Вы выкарыстоўваеце састарэлы браўзэр. Каб карыстацца ўсімі магчымасцямі сайта, загрузіце і ўсталюйце адзін з гэтых браўзэраў:

Language
Чым Вам дапамагчы?

Віцебскае аддзяленне Беларускай чыгункі

Віцебскае вагоннае дэпо

Начальнік дэпо

Заячкоўскі Юрый Мікалаевіч

Кантактная інфармацыя:

Тэл. (+375 212) 37 82 22, факс (+375 212) 35 10 46
E-mail:
vchdn@vchd11.vtb.rw.by – начальнік дэпо
vchds@vchd11.vtb.rw.by – сакратар
econom1@vchd11.vtb.rw – эканаміст
vchdnz@vchd11.vtb.rw – намеснік начальніка па рамонце
vchdx@vchd11.vtb.rw   – інжынер па забеспячэнні
Адрас: 210604, г. Віцебск, Віцебскае вагоннае дэпо

Геаграфічнае становішча Віцебскага вагоннага дэпо транспартнага РУП  «Віцебскае аддзяленне Беларускай чыгункі» садзейнічае паспяховаму развіццю як унутраных, так і міжнародных чыгуначных паслуг па перавозцы грузаў. На прадпрыемстве праведзена поўная рэканструкцыя і ўведзены ў эксплуатацыю новыя цэхі: падсобна-нарыхтоўчы, вагоназборачны, вагонаколавыя майстэрні (ВКМ), рамонтна-механічны, энеграсілавы і эксплуатацыі вагонаў.

У 1998 годзе ўведзены ўчастак рамонту колавых пар са зменай элементаў (прэсавага фарміравання).

З 2002 года распачата вытворчасць поўнай афарбоўкі вагонаў у малярным цэху, пабудаваным з улікам фінскага прадпрыемства «BLASTMAN». Укаранёная тэхналогія афарбоўкі грузавых вагонаў дазволіла істотна прадоўжыць срок эксплуатацыі лакафарбавага пакрыцця вагонаў-цыстэрнаў да натупнага капітальнага рамонту.

У 2003 годзе ў дэпо ўкаранёная тэхналогія капітальнага рамонту з працягненнем тэрміну службы чатырохвосевых вагонаў-цыстэрнаў для перавозкі нафтапрадуктаў і атрыманы сертыфікат адпаведнасці міжнароднаму стандарту ISO 9001.

З 2004 года засвоена тэхналогія вырабу запасных рэзервуараў Р7-78 тармазной сістэмы вагона з сертыфікацыяй вытворчасці. Цяпер гэтая прадукцыя дастаўляецца на ўсе профільныя прадпрыемствы Беларускай чыгункі.

Асноўныя накірункі дзейнасці дэпо:

  • Капітальны і дэпоўскі рамонт грузавых вагонаў (4-восевых і 8-восевых вагонаў-цыстэрнаў для перавозкі нафтапрадуктаў, вагонаў-цыстэрнаў для перавозкі цэменту, спецыялізаваных вагонаў-цыстэрнаў, крытых суцэльнаметалічных вагонаў, вагонаў-хопераў для перавозкі сыпучых грузаў, вагонаў для перавозкі аўтамабіляў і інш.);
  • Капітальны рамонт з працягненнем тэрміну службы вагонаў-цыстэрнаў для перавозкі нафтапрадуктаў;
  • Вытворчасць бягучага адчапляльнага рамонту вагонаў;
  • Вытворчасць тэхнічнага абслугоўвання і падрыхтоўкі пад пагрузку чыгуначных кантэйнераў;
  • Вытворчасць тэхнічнага абслугоўвання грузавых і пасажырскіх вагонаў у цягніках, падрыхтоўка грузавых вагонаў пад пагрузку;
  • Выраб запасных рэзервуараў для тармазной сістэмы грузавых вагонаў;
  • Рамонт колавых пар са зменай элементаў у ВКМ;
  • Афарбоўка грузавых вагонаў у малярным цэху.

Структура прадпрыемства:

  • Падсобна-нарыхтоўчы цэх. Выконваюцца работы па рамонце і ўзнаўленні зношаных дэталяў вагона (зварка, газарэзка, наплаўка, механічная апрацоўка, кавальскія працы, тэрмаапрацоўка); выраб новых дэталяў; рамонт аўтасчэпнага абсталявання; рамонт і выпрабаванне тармазнога абсталявання; рамонт і выпрабаванне аэралаткоў цыстэрнаў-цэментавозаў, выраб запасных рэзервуараў;
  • Вагонаколавыя майстэрні. Выконваюцца работы па капітальным рамонце колавых пар з заменай элементаў;
  • Малярны цэх. Выконваюцца работы па афарбоўцы грузавых вагонаў (папярэдняя ачыстка і сушка вагонаў, шротаструменная ачыстка вагона робатам-маніпулятарам ад старой фарбы, іржы і іншых забруджванняў да механічнага бляску з наступнай грунтоўкай, афарбоўкай, сушкай і нанясеннем трафарэтаў);
  • Вагоназборачны цэх. Выконваюцца работы па дэпоўскім, капітальным, капітальным рамонце з працягненнем тэрміну службы грузавых вагонаў;
  • Цэх эксплуатацыі. Выконваюцца работы па бягучым адчапляльным рамонце грузавых вагонаў і тэхнічным абслугоўванні пасажырскіх вагонаў на ст.Віцебск, тэхнічным абслугоўванні і падрыхтоўцы грузавых вагонаў да пагрузкі на станцыі Віцебск і станцыі Прыдзвінская;
  • Рамонтна-механічны і энергасілавы цэхі. Выконваюцца работы па падтрыманні ў спраўным стане абсталявання, транспартных сродкаў, тэхнічных збудаванняў і энергазабеспячэння прадпрыемства.

Дасягненні прадпрыемства:

  • У 2009 і 2010 гадах калектыву дэпо рашэннем Кіраўніцтва Беларускай чыгункі была выдадзена Прэмія імя машыніста Яцкевіча «За ўстойлівую безаварыйную работу пры высокай дысцыпліне працы»;
  • У 2011 годзе прадпрыемства дасягнула звання лаўрэата Прэміі Віцебскага аблвыканкама за дасягненні ў галіне якасці сярод прадпрыемстваў вобласці і дыпламанта ў Конкурсе Мінтранса ў галіне якасці;
  • У 2012 годзе поўнасцю сертыфікавана вытворчасць рамонту грузавых вагонаў (дэпоўскі, капітальны і капітальны рамонт вагонаў з працягненнем тэрміну эксплуатацыі) у адпаведнасці з патрабаваннямі міжнароднай сістэмы якасці ISO 9001.

Палітыка ў галіне якасці Віцебскага вагоннага дэпо арыентавана на вырашэнне індывідуальных запытаў кожнага ўласніка.