16 лютага 2022

12 лютага 2022 года ў зоне адпачынку ў Рубе адбылося раённае культурна-спартыўнае свята "Беларуская лыжня-2022", у якім прыняла ўдзел каманда Віцебскага аддзялення дарогі, заваяваўшы 2-е агульнакаманднае месца сярод 11 каманд-удзельнікаў.
У праграме культурна-спартыўнага свята прайшлі спаборніцтвы па гульнявых відах спорту: лыжныя гонкі, Перацягванне каната, спартландыя, а так жа конкурс малых архітэктурных формаў «Зімовая казка», у якім удзельнічалі 3 каманды.
На п'едэстал падняліся нашы лыжнікі: Фамін Юрый Мікалаевіч, старшы майстар ВЧД Віцебск, Станкевіч Канстанцін Уладзіміравіч, электрамеханік ЭЧ Віцебск, Фадзеева Наталля Барысаўна, таварны касір ДС Віцебск і Івашчанка Наталля Васільеўна, кантралёр ТЧ Віцебск - якія занялі 1-е месца ў змяшанай эстафеце. У перацягванні каната наша каманда на 4-м месцы, у спартландыі на 5-м.
Гэтак жа 1-е месца каманда Віцебскага аддзялення дарогі заняла ў конкурсе малых архітэктурных формаў "Зімовая казка".
У рамках свята прайшла канцэртная праграма ў выкананні шоу-тэатра "Карамелькі" Палаца культуры чыгуначнікаў.
Віншуем пераможцаў! Да спісу навін за 2022 год