14 лютага 2022

15 люты 1989 года апошні савецкі салдат перайшоў мост памежнай ракі Амудар'і пад Термезом. Больш за трыццаць гадоў аддаляе нас ад тых падзей. Аднак памяць пра вайну па-ранейшаму адклікаецца болем у сэрцах маці, бацькоў, удоў, дзяцей тых хлопцаў, якія вярталіся дадому «грузам-200».
Вайна ў Афганістане доўжылася 9 гадоў 1 месяц і 18 дзён. Звыш 15 тысяч савецкіх воінаў загінулі на чужой зямлі, 6 тысяч памерлі пасля ад ран і хвароб, 311 чалавек прапалі без вестак. Гэта былі самыя вялікія страты Савецкай Арміі з часоў Вялікай Айчыннай.
Праз афганскую вайну (з 1979 па 1989 гады) прайшлі 32 тысячы беларусаў, 12 нашых землякоў прапалі без вестак, больш за 700 сталі інвалідамі, больш за 770-вярнуліся дадому ў салдацкіх цынкавых трунах…
Сярод герояў, воінаў-інтэрнацыяналістаў, ёсць і нашы калегі-43 чалавекі, якія сёння працуюць у адасобленых структурных падраздзяленнях Віцебскага аддзялення дарогі.
У гэты журботны дзень мы аддаём даніну павагі мужнасці нашых калег-чыгуначнікаў і дзякуем ім за подзвіг і мужнасць, за тое, што ў такой складанай і небяспечнай сітуацыі выстаялі і сёння з'яўляюцца годным прыкладам для нашай моладзі.
Паважаныя воіны-інтэрнацыяналісты! Вы з гонарам выканалі свой грамадзянскі доўг, нізкі вам паклон за гэта. Ад усёй душы жадаем вам і вашым сем'ям моцнага здароўя, даўгалецця, мірнага неба над галавой, дабрабыту і дабра! Да спісу навін за 2022 год