.png)
11 красавіка-Міжнародны дзень вызвалення вязняў фашысцкіх канцлагераў
11 красавіка 2022
11 красавіка 2022 года віцебскія чыгуначнікі ўзялі ўдзел ва ўрачыстым мітынгу, прысвечаным Міжнароднаму дню вызвалення вязняў фашысцкіх канцлагераў, які адбыўся на месцы былога лагера смерці "5-ы Полк".На месцы былога лагера смерці ўстаноўлена стэла, капліца са звонам і памятны знак. У сваю чаргу сам знак уяўляе сабой вобразы вязняў, якія стаяць за калючым дротам ля расчыненых дзвярэй лагера. Побач з імі нанесеная карта Віцебскай вобласці, на якой пазначаныя месцы, дзе дзейнічалі лагеры для ваеннапалонных і грамадзянскага насельніцтва, гета і месцы масавага знішчэння габрэяў, турмы. Пры падрыхтоўцы карты выкарыстоўваліся выключна архіўныя зборнікі розных гадоў, якія пацвярджаюць існаванне лагераў і гета.
