Вынікі спартакіяды
28 верасня 2022
22-25 верасня 2022 г.у г. Мінску адбылася XVIII Рэспубліканская міжгаліновая спартакіяда прафсаюзаў, у якой прынялі ўдзел 15 каманд. У склад каманды Белпрафтранса ўвайшлі і работнікі Віцебскага аддзялення Беларускай чыгункі. Віцебскія чыгуначнікі прынялі ўдзел у спаборніцтвах па лёгкаатлетычным кросе, кулявой стральбе, гіравым спорце і плаванні.Лёгкаатлетычны крос і плаванне праводзіліся ва ўзроставых групах да 35 гадоў і старэй, у індывідуальных спаборніцтвах і эстафеце. У кросе гонар прафсаюза абаранялі Філіпаў Ігар (памочнік машыніста Полацкай дыстанцыі пуці) і Раздрабенка Таццяна (інструктар-метадыст Культурна-спартыўнага цэнтра). Удзельнікі паказалі высокі вынік: у асабістым першынстве Філіпаў Ігар паказаў 2 Вынік, у эстафеце 4 * 400 м каманда паднялася на 7 месца, і 4 месца ў агульнакамандным заліку. У плаванні каманда Белпрафтранса (Кандрацьеў Аляксей, інжынер Віцебскага вагоннага дэпо) заняла 3 месца ў камбінаванай эстафеце і 4 месца ў агульнакамандным заліку.
У спаборніцтвах па кулявой стральбе прымаў удзел вядучы інжынер па ахове працы аддзела аховы працы і прамысловай бяспекі Ісаенка Дзяніс, які разам з калегам заняў 2 месца ў агульнакамандным заліку. У камандзе па гіравым спорце прымаў удзел электрамеханік сувязі Полацкай дыстанцыі сігналізацыі і сувязі Уладзімір Іваноў.
Таксама праграма спартакіяды ўключала і іншыя віды спорту: більярд, дартс, жаночы і мужчынскі валейбол, міні-футбол, настольны тэніс.
Кіраўніцтва Аддзялення і Райпрофсож дзякуюць і віншуюць работнікаў віцебскага аддзялення Беларускай чыгункі, якія прымалі ўдзел у спаборніцтвах і паказалі выдатны вынік! Да спісу навін за 2022 год